NATIONAL-Dakop an usa nga German National mahuman nga ginbalabgan ine han mga otoridad ha Nnoy Aquino International Airport (NAIA) Terminal 3 nga mayada dara nga iligal nga droga nga parte ha sobra P60-M nga na-intercept ha paluparan.
Subay ha report han Philippine National Police (PNP), na-flag an bagahe han langyawanon ha Customs International Arrival han ika 13 han Pebrero.
Ha inspeksyon, nakit-an an sobra 8 ka kilo han suspected shabu nga ginsulod ha compartment han maleta han suspek.
Dayon naman nga ginaresto an langyawanon ngan nakumpiska an kontrabando.
Samtang, na-intecept gihapon ha Central Mail Exchange Center an 4 ka inbound parcels nga mayada sulod nga purluminos 3.8 kilos hin suspected marijuana tikang ha Thailand ngan Canada.
An mga ine in gin-turnover na ha Philippine Drug Enforcement Agency (PDEA).
Presente nga giniimbestigahan han kapulisan an mga posible nga koneksyon han sindikato ha mga probinsya han Cavite, Kalinga, ngan Pampanga.
Nagpaangbit naman hin pagdayaw hi PNP Chief Police General Jose Melencio Nartatez mahitungod ha malinampuson nga operasyon samtang ginsiguro an mas ginpahugot nga pagbantay ha borders han nasud.
