Naghulga hi US President Donald Trump nga papabuthon an South Pars gas field ha Iran kun aatakehon utro han Iran an energy facilities han Qatar.
An South Pars/North Dome field an iginkokonsidera nga pinakadako nga gas field ha kalibutan.
Ginmalatumat ni Trump ha Truth Social nga kun utro nga tatargeton han Iran an natural gas facilities han Qatar, in mabulos an US pinaagi han pag-‘durog’ ha bug-os nga South Pars Gas Field.
Ginbuhat han US President an hulga kasunod han report nga nagkamay-ada hin “significant damage” ha mga pasilidad han Liquified Natural Gas (LNG) han Qatar mahitungod ha mga atake han Iran.
Ginsigurado naman ni Trump nga waray na mga pag-atake tikang ha Israel ha Iran, pero nagpahimatngon na an US nga mabulos ini kun atakehon utro an Qatar.
