TACLOBAN CITY– Viral ha social media an natabo nga graduation rites ha Barangay Libertad San Jorge, Samar, matungod nga usa la nga estudyante an nag-gradwar ha nasabi nga barangay yana nga tuig.
Sumala kan Gerry Ocenar, Information Officer, DEPED Samar Division, ha ira batch hiya la iton nag-enroll tikang Kindergarted- Grade 6.
Dugang pa ni Ocenar, an Libertad Elementary School, in nag-iimplementar hin multi-grade program, karuyag sidngon may mga magturotdo nga nakapot hin 1-3 nga klase.
Ha pagkayana, mayda la hira 9 nga estudyante nga nag-enroll tikang Grade 1-6, gawas la dinhi an kindergarten ngan grade 4, matungod nga ine nga mga grade level in waray may namag-enroll para hiton sunod nga school year.
Ginlalauman ni Ocenra, nga ha mga masunod nga tuig, waray matatabo nga graduation, matungod nga nagtitikaguti, o waray mga namamag-enroll nga estudyante.
Nabaruan nga an nasabi nga barangay in tay-aw ngan harayo ha sibilisasyon.
