TACLOBAN CITY – Dead on the spot an usa nga rider, mahuman nga mahulog ine ha kanal han Brgy. Hiagsam Jaro, Leyte.
Ginkilala an biktima kan Jeffrey Bardiago, 35-anyos an pangidaron, ngan residente han Brgy. Arado Tanuan, Leyte.
Sumala kan PMaj. Ronald Puso, Chief of Police han Jaro Municipal Police Station, gin babaybay ni Bardiago an mao nga karsada samtang tipakadto ine ha Carigara, Leyte han tigda ine nga bumunggo ha usa gihapon nga motor nga hin mamanihuhan naman ni Alexis Soraima.
Mahitungod han makusog nga impact han pagkakabunggo in nawarawayan hin kontrol ha manibela hi Bardiago, kun diin nahulog ine ha usa nga sementado nga kanal nga nagin rason han iya dayon nga kamatayon.
Mababaruan nga gindara pa ha pinaka-harani nga ospital an biktima pero gin deklara ine nga dead on arrival.
Samtang, talwas naman hi Soraima ngan waray may naagkon nga samad ha iya lawas.
