TACLOBAN CITY — Dead on the spot an usa nga Construction worker mahuman nga madat-ugan hin backhoe ha kadalanan han Brgy. Malibago Babatngon, Leyte.
Kinilala an biktima nga hi Sony Catudio, 54-anyos, may-asawa ngan nag-uukoy ha Brgy. Malaguicay Tanauan Leyte.
Sumala kan PLt. Jose Bayona, Chief of Police han Babatngon Municipal Police Station, duha an sakay han mao nga backhoe han matabo an mao nga insidente kun diin nakatalwas hini an usa sakay.
Basar ha inisyal nga imbestigasyon, tikang ha mabukid nga parte an mao nga backhoe kun diin waray ini makontrol han driver hinungdan agud magduru-deritso ini paubos ha kalsada.
Nahilabog naman an usa nga pahinante o driver han mao nga backhoe ha banwaon nga lugar samtang naipit an usa pa rason han kaawat hini an kinabuhi.
Basar ha gindumara nga medikal nga eksaminasyon waray naman daw makainom an driver han matabo an insidente kundi nawarayan gud ini hin preno.
Nakighimangraw na gihapon an pamilya han biktima ha iya gintatrabuhan ngan dayon ini gin-akseptar matungod nagtutuo an mga ini nga aksidente la an natabo.
