TACLOBAN CITY – Patay an usa nga balik-bayan mahuman nga pagpamusilon ine ha Tabango, Leyte hin riding-in-tandem nga mga suspek.
Ginkilala an biktima kan Jerome Dayun, 34 anyos an pangidaron, ngan residente han Brgy. Parel San Isidro Tabango, Leyte ngan usa pa nga waray hingarani, residente gihap han mao nga barangay.
Sumala kan PMSgt. Edwin Olidan, Deputy Chief of Police han Tabango Municipal Police Station, tipauli na daw an mga biktima tikang ha usa nga pyesta ha usa nga sitio han San Isidro han pagpulison hi Dayun han riding-in-tandem nga suspek.
Nakag-angkon naman ine hin igo ha iya ulo nga nagin resulta han dayon nga kamatayon han biktima.
Nakit-an naman ha crime scene an upat nga basiyo han 9mm caliber nga bala.
Hapagkayana padayon pa an gindudumara nga imbestigasyon han mga kapulisan kasumpay ha pangilal-an han suspek ngan kun anu an motibo hine ha nasabi nga panmumusil.
