INTERNATIONAL – Ginsumite na han US Senate and funding bill agud humanon na an government shutdown ha sakob han pira ka-adlaw.
Kaupod an walo nga Democrats ngan mga Republican an bumutos agud humanon an shutdown.
Ha pinal nga bersiyon han bill, gineksplikar dinhi an governemnt funding kutob ha Enero han masunod nga tuig. Kaupod gihapon dinhi an tulo ka-tuig nga funding bills para ha magkadurudilain nga federal agencies ngan mga programa ngan pagbalik han federal workers nga gintanggal ha kabutngaan han shutdown.
Magkikinahanglan naman hin approval han nasabi nga funding bill tikang ha US House of Representatives ngan pirma ni US Pres. Donald Trump ugsa mahuman an shutdown.
Samtang kabalyo naman han pagpabor han 8 nga Democrats, tumugot an Republicans nga mag-botosay ha kabutngaan han Disyembre kasumpay ha pagpapahalawig pa han health care tax credits.
