INTERNATIONAL–Ginhatag ni US President Donald Trump kan Ukraine President Volodymyr Zelensky hin deadline kutob han ika 27 han Nobyembre o Thanksgiving Day ha Amerika, in pag-karawat ha kontrobersyal nga 28-point peace plan.
Ginklaro ni Trump nga dire ini an ‘final order’ niya ngan ginalaluman nga mahuhuman na an gyera ha parte han Ukraine ngan Russia.
Nagpahayag hin pahinumdum an mga lider tikang ha Europa, Canada, ngan Japan ha ginduduso nga 28-point peace plan han US labi na nga an inaligar nga pagbabag-o han teritoryo, ngan limitasyon ha ihap han sandatahang lakas han Ukraine, bisan nga an nasabi nga plano in mayada mga elemento nga “importante para ha usa nga makatadungan ngan panmaiha nga kalinawon”
Magpapa hearing an mga opisyal han seguridad tikang ha Britain, France, Germany, US, ngan Ukraine ha Geneva, Switzerland yana nga Domingo para hisgotan an nasabi nga istorya.
Naghatag naman hin pahayag hi Zelenski ha iya social media account na kinahanglan hin kamurayaw, ngan gina-apresyar nira an mga paningkamot ni Trump ngan an iya grupo nga plano nga balikon an seguridad ha Europa.
Siring naman han mga opisyal han US ha ira kaalyado ha North Atlantic Treaty Organization (NATO) nga ginlalauman nira nga ma-abuyon hi President Zelensky ha kasabotan ha mga tiarabot nga adlaw ngan may kaakibat nga pahimangno na aatubangan han Kyiv an mas malala nga sitwasyon kun dumiri ini.
