-- Advertisements --
INTERNATIONAL NEWS– Magpapatuman hin pag-istrikto an US ha pira nga mga langyawanon nga masulod ha ira nasud.
Maapektaran dinhe an mga turista tikang ha magkalain-lain nga nasud kalakip na an United Kingdom kun diin kinahanglan igpahibaro nira an ira social media activity han naglabay nga lima katuig ugsa makasulod ha US.
Ginkikinahanglan la nga pumirma hira hiton Electronic System for Travel Authorization (ESTA) ine in magigin eligible ha pagbisita ha US ha sulod hiton 90 ka-adlaw nga waray visa.
Gin-abuyunan naman han Customs and Border Protection (CBP) ngan Department of Homeland Security (DHS) an nasabi nga balaodnon kumo kaparte han pagpapahuruhugot.
