Gin hangyo ni U.S. First Lady Melania Trump kan Russian President Vladimir Putin an panawagan nga kahimyangan para ha mga kabataan mahuman nga ighatag hin personal ni U.S. President Donald Trump an surat kan Putin ha Alaska Summit dida han Agosto 15.
Subay ha report han Fox News, ginbasa dayun ni Putin an surat ha atubangan han ira mga delegasyon.
Bisan kun dire direkta nga ginpahayag ha surat an kasamok ha Ukraine in klaro an panawagan ha surat nga “Mr. Putin, you can singlehandedly restore their melodic laughter… You serve humanity itself.”
Ginmalatumat ni Trump nga mayda dako nga impluwensya an iya asawa ha iya panlantaw kan Putin, ngan dida han nakalabay nga bulan in gin istorya hine kun patiunan-o gin kwestyon ni Melania an iya panlantaw mahuman nga yaknon ha iya nga mayda usa nga syudad ha Ukraine an naigo utro han mga pag-atake.
Syahan na nga nagdigon hi Trump hin ceasefire, pero nabag-o an iya posisyon mahuman an summit, ngan ginpahayag nga an pinaka epektibo nga pamaagi agud undangan an kasamok in direkta nga kahimyangan.
