TACLOBAN CITY – Nagpadangat hin pasasalamat hi Carlson ngadto han mga pamilya han mga beterano nga nag atendir tungod han ira ginpakita nga serbisyo ngan sakripisyo nga ha pagkayana in padayon nga gin aabat an kahimyangan ngan kagawasan.
Iya gihapon ginpatapod nga mas magigin makusog pa an relasyon ngan commitment han Estados Unidos ha nasud Pilipinas in labi na nga mayda daw ginpagsaruan nga history an duduha nga nasud.
Pumakadto gihapon hi Carlson ha Eastern Samar didto han kanan Balanggiga Bells nga kun diin, hiya an pinakasyahan nga Ambassador nga bumista han mao nga mga linganay mahuman ini maibalik ha Balangiga dida han 2018, ngan didto in iya ginyakan nga ini nga mga lingganay in nagpapakita la han madig-on nga relasyon han duduha nga nasud.
Umatendir gihapon hiya ha pagsalin-urog naman han ika 75 katuig nga Diamond Charter Day celebration ngan didto in nagpasalamat hiya han nagin mapaso nga pagkarawat ha iya han mga Leyteños ngan Samareños in labi na nga an bilateral relationships han duduha nga nasud in critically important mahitungod nga ginkokonsidera an duduga nga nasud kumo mag sangkay, magpartner ngan allies nga mas ginpadig-on pa tungod han mga values.
Ginpatapod gihapon niya nga magpapabilin nga makikigbinuligay an Estados Unidos ha nasud nga siring pa ni Carlson nga in good times and in bad times.
Sugad nala han ginbilin nga epekto ni Bagyong Yolanda ha Leyteños dida han tuig 2013 nga kun diin, an mga Amerikano nga mga sundalo nga nakadto ha Okinawa Japan in nakaabot ha nasud ha sulod han 4 ka oras mahuman makakarawat hin tawag nga pag aro hin bulig ngan padayon ini nira nga bubuhaton nga mayda confidence ngan humility para makab-ot an current ngan future nga mga challenges
