TAFT, EASTERN SAMAR – Maabot ha upat nga balay an nahipatik nga naugbaw ha natabo nga sunog ha Barangay 2 Poblacion, Taft, Eastern Samar dida han alas 9:11 han nakalabay nga gab-i, Pebrero 19.
Naugbaw ha sunog an tindahan ni Alex “Bong” Valdez ngan mga panimalay nira Ernesto Obina, Miguelito Docena, ngan Joel Colongon nga mga residente han barangay kun diin ginbabana-bana nga maabot ha P2M an gin-e-estimar nga danyos hini.
Gin-isa ha 2nd alarm an sunog kun diin ginburubligan han mga residente ngan mga Bureau of Fire and Protection personnel tikang ha bungto han Taft, Borongan, Sulat, San Julian, Dolores, ngan Can-avid agud mapuypoy an pagsarang han kalayo kun diin, gindeklara an fire-out banda alas 11:14 han gab-i.
Waray naman may nahipatik nga nasamaran o casuality ha natabo nga insidente.
Ha pagkayana, in padayon naman iton imbestigasyon han BFP-Taft agud masabtan an hinungdan han sunog.
