METRO MANILA – Lauman an igpapatuman nga an umento ha presyo han pira nga pangunahon nga papliton mahuman Abril 16.
Eksplikar ni DTI Secretarty Cristina Aldeguer-Roque nga waray magigin paghitaas ha presyo han basic commodities ngan prime commodities kutob ha Abril 16, pero pagkahuman hini, lauman nga an pira nga mga papliton in maghihitaas an presyo.
May pira nga mga manufacturers an waray pa mag-a-anunsiyo han price increase, pero ginmalatumat han sekretarya nga posible magpatuman an mga ini hin umento ha presyo ugsa an Abril 16.
Dugang naman han sekretarya nga waray dapat igkabaraka an publiko ngan waray rason mag-panic mahitungod nga dire dako an ig-u-umento.
Sumala hini nga igpapatuman han mga manufacturer an umento ha presyo nga may paghirot agud dire mawarayan an mga kustomer, nga presente na nga nagkukuri ugsa pa man umigo an krisis ha lana.
