-- Advertisements --
TACLOBAN CITY- Arestado an usa nga ulitawo mahitungod ha nabuhat nga pagpangawat hin sapatos.
Guinkilala an tagreklamo kan Marilou Peñaranda, 35 anyos an pangidaron, may asawa ngan residente han Barangay 23 Salazar, syudad han Tacloban.
Samtang guinkilala naman an suspek kan Joey Tiempo Jr., 23 anyos an pangidaron ngan residente han Barangay 94 Tigbao ha pareho nga syudad.
Basi ha blotter han mga kapulisan nga guinkawat han suspek an duha kapadis hin sapatos han biktima nga nagkantidad hin 3 mil pesos.
Dayon naman nga nangaron hin bulig an tagreklmo ha mga kapulisan nga nagresulta ha pagdakop han suspek.
Samtang, guinpaslak an suspek ha Abucay Police Station 2 para ha kaangayan nga disposition.
