-- Advertisements --
TACLOBAN- Patay an usa nga lalaki mahuman nga panbubun-on han iya la mismo magurang nga bugto mahitungod la han usa nga babaye.
Guinkilala ni PO3 Enrique Cua Jr. an biktima nga hi Jonie Magno, 42 anyos an pangidaron ngan residente han Brgy. 79 Marasbaras ha syudad han Tacloban.
Sumala han suspek nga hi Jaime Magno, 51 anyos an pangidaron nga nakakarawat ini hin hurub-hurob nga may relasyon an iya misis ngan han iya manghod nga bugto nga amo an nakag-aghat ha iya nga patayon ini.
Nakaangkon hin lima nga samad binu-an an biktima nga nagresulta han dagmit nga kamatayon hini.
Narecover ha crime scene an usa nga duguan nga hinagiban nga may kahilaba nga 11 purgadas.
Samtang, dayon naman nga sumurender ha mga otoridad an mao nga suspek.
