Naghangyo an Ukraine ha Russia hin temporaryo nga ceasefire ha mga sibilyan nga target ha Black Sea, mahuman dumamo an mga pag-atake ha mga barko ngan port nga gingagamit ha pag-export han mga produkto pan-agrikultura han nasud.
Nasabtan nga ginpadara han Ukraine an hangyo ha pamamaagi han usa nga third party kun diin naghuhulat pa hin baton tikang ha Russia.
Parehas ginakusaran han kada-tagsa nasud an pag-atake ha mga barko nga gingagamit nira ha ira mga exports kun diin, nasabtan nga pira na nga mga shipping companies an nalikay ha nasabi nga dagat.
Samtang, napiritan suspendiron han Russia an operasyon ha tulo nga terminal ha Black sea port han Novorossiysk mahuman atakihon han Ukraine, nga puydi makaapekto gihapon ha grain exports han Russia.
