TACLOBAN CITY – Magdudumara hin 1st PD’s Cup Shoot for a Cause an Leyte Police Provincial Office ha maabot nga Setyemre 27, 28, ngan 29.
Sumala kan Leyte Police Provincial Office Information Officer, PCapt. Hazel Vacal, pagdudumaraon an nasabi nga aktibidad ha TPSI Shooting Range ha Brgy. Pago, Tanauan, Leyte.
An nasabi nga kompetisyon in in-partnership naman ha Philippine Practical Shooting Association (PPSA) Level 1 kun diin abri ine ha mga uniformed ngan civilian shooters.
Magko-compete naman an mga partisipante hin unom ka-stages han pistol shooting (minimum 130 rounds).
An matitirok nga proceeds tikang ha nasabi nga kompetisyon in mahingangadto naman ha programa nga “Damayan ha Otso,” kun diin an mga kapulisan nga mayda gin-aabat nga mga grabe nga sakit sugad han cancer ngan iba pa an makakatagamtam.
