NATIONAL–Makaka-abat hin pag-uran an pira ka mga parte han nasud mahitungod ha tulo ka weather systems, sumala ha state weather bureau.
Basar ha datos nga ginpagawas han Philippine Atmospheric Geophysical and Astronomical Services Administration (PAGASA), nga an na report nga shear line in mayada dara nga madampog nga kalangitan nga mayada upod nga sarang-sarang nga pag-uran ngan pag-kidlat ha parte han Cagayan, Isabela, ngan Aurora.
Samtang an easterlies naman in magdudurot hin mahaluag nga madampog nga panahon ngan patak hin uran ha Quezon Province, Metro Manila, ngan nabibilin nga parte han nasud.
Maapektuhan gihapon asn Northeast Monsoon o amihan, an Ilocos Norte, Apayao, Batanes, ngan Babuyan Island nga ginlalaoman nga makaka abat gihapon hin madampog ngan mahinay nga pag-uran.
Samtang, nagpapadayon naman an pagpapasabot han PAGASA nga an mga sugad nga kondisyon han panahon in pwede magin hinungdan han mga flashfloods o landslides labi na ha mga oras nga makusog an pagbuhos han uran, sanglit padayon nga ginpapahirot an publiko.
