INTERNATIONAL – Ginmando ni US President Donald Trump an pag-atake ha military sites ha sakob han Venezuela dida han Sabado, Enero 3, 2026 (local time).
Ginkumpirma han US officials an ginlunsar nga strikes han Amerika ha Venezuela.
Nabatian gihapon an mga serye han pagbuto ha syudad han Venezuela nga Caracas.
Kanit hini, pira nga mga nakapalibot nga komunidad in nawarayan suplay hin kuryente.
Ha usa nga official statement naman tikang ha gobyerno han Venezuela, ginkondina hini an military aggression han US military.
Ha pagkayana in waray pa detalye o kumpirmado nga notisya kun mayda mga nasamaran ha mga insidente han pagbuto ha kabisera han Venezuela.
An paglunsar han strike han US ha Venezuela in ha butnga han ginpahugot pa nga tensiyon ha butnga han duha nga nasud kasumpay ha drug trafficking.
