NATIONAL–Pumirma hin mga business agreements an mga kumpanya tikang ha Pilipinas ngan Republic of Korea (ROK) ha shipbuilding, nuclear energy, aerospace, critical materials, retail, ngan health and wellness.
Ginbuhat an pagpipirma ha Philippines-Korea Business Forum nga ginatenderan nira Pangulong Ferdinand Marcos Jr. ngan ROK President Lee Jae Myung ha Conrad Hotel ha Pasay City.
Sumala kan Marcos, pamatuod an mga kasabotan han madig-on ngan naghihilarom nga relasyon pan-ekonomiya han duha nga nasud. Ginlalauman nga magdudurot ine hin mas damo pa nga proyekto, pamumuhunan, ngan pakabuhi.
Gintagan hin duon han Pangulo nga padayon an pagpapatuman han gobyerno hin mga reporma ha ekonomiya agud ga pakusgon an kumpyansa han mga mamumuhunan ngan igpadagmit an pagnenegosyo.
Nagpasalamat gihapon hiyta ha Philippine Chamber of Commerce and Industry ngan Federation of Korean Industries ha pagduduso han kooperasyon han mga negosyante ha duha nga nasud.
