-- Advertisements --
Nagdig-on hi US President Donald Trump nga dire hini kakarawton an anuman nga hangyo han Iran nga magkamay-ada hin pag-iistorya.
Ginmalatumat hini nga importante nga magkamay-ada anay hin “unconditional surrender” an Iran.
Dugang pa hini, an panuyo han US in dire an pagkakamay-ada hin pag-iistorya, lugod in maundang na an anuman nga nuclear enrichment han Iran.
Syahan hini in ginbuyagyag ni Iranian President Masoud Pezeshkian nga mayda pira nga nasud an karuyag mamutngaan agud magkamay-ada hin pag-iistorya ha butnga nira han US.
Manunumduman nga mas humaluag pa an kasamok ha Middle East kun diin pira nga mga nasud na an gin atake han Iran kumo bulos ha ginbuhat ha ira han US ngan Israel.
