TACLOBAN CITY – Utro nga naka engkwentro han tropa han Armed Forces of the Philippines (AFP) an masobra 10 nga miyembro han New People’s Army (NPA) ha Barangay Cag-amegsarag ha Lope De Vega, Northern Samar.
Sumala kan 1st Lt. Allan Jay Buerano, Civil Military Operations Officer han 43rd IB, nagdudumara hira hin combat operations ha mao nga mga barangay han ira makaengkwentro an rebelde nga grupo.
Humagos naman ha 15 minutos an naging balyuay hin buto ha butnga han mga militar ngan rebelde.
Narekober ha mao nga engkwentro an pira nga ammunisyon, ngan mga higamit han rebelde nga grupo.
Waray naman naireport nga naawatan hin kinabuhi ha kampo han mga militar.
Manunumduman nga dida han nakalabay la nga adlaw in nagkamay-ada gihapon hin engkwentro ha butnga han kasundaluhan ngan maabot ha 30 nga mga NPA ha mao nga lugar.
Ha pagkayana in padayon an ginbubuhat nga military operations han mga 43rd IB agud nga matudlok ngan mapuypoy an mga NPA nga gintutuuhan nga ada ha ilarom ni Salvador Nordan Alyas “BADOK”.
