METRO MANILA – Nakatalaan pasakahan hin kaso nga cyber libel ni anay Senator Antonio Trillanes IV an pira nga personalidad ngan mga anay sundalo nga nagpasarang hin malisyoso nga impormasyon nga kumarawat hiya hin suhol nga $2M agud igduso an imbestigasyon han International Criminal Court o ICC.
Ha usa nga pahayag, mahugot nga gindiwara han anay mambabalaud an mga alegasyon nga tikang an pondo kan Zaldy Co agud pondohan an pagdakop kan anay Presidente Rodrigo Duterte.
Gintudlok han anay senador an mga indibidwal nga iya kakasuhan, kaupod hira Levi Baligod, Mike Defensor, ngan Jay Sonza.
Samtang, sumala naman kan Trillanes, an mga sugad nga klase han pandaot in usa nga klaro nga pitad agud ruba-on an kredibilidad han padayon nga pag-iimbestigar han ICC.
