Humitaas ha $4.94 bilyon an trade deficit han Pilipinas dida han Hunyo, mas hitaas hin 12% kumpara ha parehas nga bulan dida han nakalabay nga tuig, subay ha Philippine Statistics Authority (PSA).
Nahitabo ini bisan kun nahipatik han nasud an pinakahitaas nga kantidad han exports tikang dida han 1991, mahitungod nga mas malaksi la gihapon nga nahitaas an kantidad han mga gin aangkat nga produkto.
Umabot ha $8.77 bilyon an kabug-usan nga exports dida han Hunyo, o 24% nga mas hitaas kumpara dida han nakalabay nga tuig.
Nanguna la gihapon an electronic products ha mga igine-exports han nasud, samtang an Estados Unidos an nagin pinakadako nga merkado han mga produkto nga Pilipino.
Samtang, humitaas naman hin 20% an imports ha $13.71 bilyon, kun diin an mayda pinakadako nga parte. Nagpapabilin naman an China kumo pinakapangunahon nga gintitikangan han mga gin aangkat nga produkto han Pilipinas.
Ha syahan nga unom kabulan han tuig, humitaas ha $30.81 bilyon an trade deficit han nasud.
Sumala kan Trade Secretary Cristina Roque, padayon nga susuportahan han gobyerno an mga exporter pinaagi han pagpapahaluag han akses ha world market, paggamit han free trade agreement, ngan pagsusumpay ha mga negosyo ha mga mamumuhunan ngan mamaralit ha iba nga nasud.
