NATIONAL NEWS– Nakatalaan nga iglunsar han Bureau of Internal Revenues (BIR) an ‘Track and trace’ mechanism para ha pag-regulate hin maupay hiton mga produkto labi na an tobacco ngan vape products.
Ginlalauman nga masunod na tuig ine magagamit han mga consumer.
Sumala kan Bureau of Internal Revenues (BIR) Commissioner Romeo Lumagi Jr, ha ilarom hine, magkakamyda na hin QR Codes an tobacco ngan vape products ngan gamit an kalugaringon nga cellphone han mga consumer pwede nira panginanuon kun ine ba in legal o ilegal nga produkto.
Pananglitan nga gin-scan na an QR Code mababaruan dinhi kun diin ine nagtikang ngan kikitaon kun kalakip ba an nasabi nga produkto ha listahan ha mga registered legal brands.
Pagsigurado ni Lumagi nga dire makokompromiso dinhi an impormasyon han mga magamit matungod nga an makukuha la han mga ine an detalye han produkto.
Magtitikang anay hira ha mga tobacco ngan vape products para ha track and trace mechanism ngan igsusunod bna nira an iba pa nga produkto sugad han imported makahurubog nga irimnon, pagamot ngan iba pa.
