TACLOBAN CITY – Aprubado na ha konseho an Towing Ordinance nga ginduduso ha syudad hiton Tacloban.
Sumala kan Hon. Leo Bahin, Head hiton Committee on Transportation ngan City Councilor han Tacloban City, ha pagkayana in ginrerepaso pa an Implementing Rules and Regulations (IRR) hiton City ngan TOMECO sanglit waray pa ine ka-iimplementar.
Samtang, nakasurat daw ha ordinansa nga dire la an mga guba nga sarakyan ha ligid han karsada an igpapan-tow kundi hasta gihapon an mga nagba-violate ha kakarsadahan.
Tanan daw gihapon nga mga illegally park nga mga sarakyan ngan nakaparada ha national highway in igpapan-tow daw gihapon mahitungod nga nakasurat gudman ha national law nga igindidire an pagparada ha mga highways.
Kun hadi daw in an TNT an magtotow han mga sarakyan, yana daw in magkakamay-ada na hin private towing nga mandadanas han mga sarakyan kaupod iton TOMECO.
Magbabayad naman hin kaangayan nga towing penalties an violators kun diin an storage fee in ada ha P1,000 kada adlaw. An taripa naman para han syahan nga upat ka-kilometro para han mga light vehicle in ada ha P1,500, P2,500 naman para ha mga medium vehicles, ngan P4,500 naman para ha mga heavy vehicles.
