-- Advertisements --
TACLOBAN CITY – Andam na ha pagkarawat hin mga turista an pira nga mga tourist sites ha Eastern Samar bisan ha kaluyo hiton pagpapabilin ha alert level 3 han probinsya han Eastern Samar.
Sumala kan Neil Pinarok, Provincial Tourism Officer han Eastern Samar, ha kaluyo han pagtugot in kinahanglan lagihapon nga magsunod an mga mabisita o mga turista ha mga ginpapalusad nga protocol han National-IATF ngan DOH.
Ha pagsulod naman ha Eastern Samar in kinahanglan lagihapon han mga ini nga magpakita hin S-pass, QR-code, usa nga valid ID ngan vaccination card ha mga checkpoints.
Ginbalik manggud an mga border control points ha nasabi nga probinsiya agud mabaruan an kun hin o an mga nasakob sugadman mapugngan an pagsarang han COVID-19 virus.
