TACLOBAN CITY – Waray mapagsudlan hin kalipay hi Engr. Mark Anthony Salazar Arcayan mahuman ini nga mag Top 1 ha Mechanical Engineering Board Examination yana nga tuig 2022.
Sumala kan Engr. Arcayan, dire hiya makatuod nga hiya an naging top notcher tungod nga an iya ginhihingyap in malakip la ha Top 10.
Hi Arcayan in nag-graduate kumo magna cumlaude ha Visayasy State University (VSU) Baybay City han 2020.
Karuyag naman hini nga maipadayon an iya pagtututdo ha mao nga eskwelahan para mabuligan ngan maipahamtang an iya mga nahibaruan ha mga estudyante.
Nagsagdon gihapon ini ha mga estudyante ha mao nga kurso bahin han iya naging sekreto ngan pamaagi kun patiunan-o niya nga nakab-ot an mao nga achievement ha iya kinabuhi.
Sumala ha iya kinahanglan nga magkaada hin consistency ha pag-istudyo sugadman balanse ha pamilya ngan pag-aram, time management ngan faith in God o marig-on nga pagtuo ha Ginoo.
