TACLOBAN CITY– Ginklaro han Traffice Operation Management Enforcement and Control Office Tacloban (TOMECO), nga han nakalabay pa nga Agusto 6, 2024 naaprubaran an Local Public Transport Route Plan (LPTRP).
Sumala kan Coordinator for operation and Enforcement TOMECO, Ret. PMaj. Restituto Reglos, an nasabi nga ordinasya in gin regulate para hadton mga nabiyahe ha sulod han Tacloban.
Dugang pa ni Reglos, an Campetic nga biyahe in matatawag mangud nga out of town route, ha madagmit nga istorya dire ine sakop han LPTRP.
Ginpaangbit pa hine, nga an Campetic nga biyahe in sakop na hiton LPTRP han probinsya hiton Leyte, kun diin ine naman an mag kokonekta ha mga bungto-bungto o magigin distinasyon han mga sarakyan.
Ha mao nga proseso, kinahanglan an LPTRP han province, in magsarit ha kada LGUs nga maaagi-an, hiton mga pampasaheros nga sarakyan, kun diin an natatabo nagigin terminal to terminal an biyahe han mga ine.
