TACLOBAN CITY – Nagdumara hin clearing operation an Traffic Operation Management Enforcement and Control Office (TOMECO) ha downtown area han syudad han Tacloban.
Sumala kan TOMECO Enforcement and Operation Division Chief, Jobz Lagutan, pira nga mga nababaligya ha ligid han karsada an nakumpiskahan han ira mga baligya.
Igindidire gudman an pagbaligya ha mga sidewalk mahitungod nga nakakaulang ine ha mga umaragi ngan posible pa gihapon maka-kompromiso ha seguridad han dire la han mga umaragi, kundi hasta han mga nagkaka-agi nga sarakyan.
Ha kuha han video, makikit-an nga gindara han mga taga-TOMECO an kariton la han nagbabaligya pero ine in mahitungod nga waray la daw hira dara nga dako nga sarakyan sanglit dire maisasakay an ngatanan nga nakumpiska han mga ine.
Waray naman kumpiskaha nala an mga paninda hine kumo papagma-an nala han nagbabaligya nga dire na mag-utro ha pagbaligya ha sidewalk.
Gintagan naman daw ine nga mag paru-paninda hin pwesto para magbaligya pero nagpaparok gudla daw gihapon hin mga karitelya ngan nagsusudoy pagbaligya.
Nag-abiso naman ine nga patikang pala an nasabi nga operasyon mahitungod nga mayda pa ine mga masunod nga pagbubuhaton ha downtown area han syudad.
