TACLOBAN CITY– Ginsigurado han Traffic Operation Management Enforcement and Control Office Tacloban (TOMECO), nga naka-deploy an ira mga tinaglawas ha mga eskinita han syudad, agud nga umasister ha mga motorista sugadman mga pribado nga sarakyan,yana nga adlaw hiton pagtikang han klase han pira nga mga pambuliko nga eskwelahan ha Tacloban.
Sumala kan Restituto Reglos, Operation and Enforcement Tomeco, naka-eksperyensya hira hiton paghuruot han pampasaheros nga sarakyan, ha may Leyte High National High School, matungod nga damo mangud an mga estudyante ha nasabi nga eskwelahan.
Dugang pa hine, dayon naman nira nga gin-asisteran an trapiko, kun diin nagin maupay na an dalagan han mga sarakyan.
Usa nga nakakag-kawsa hiton trapik, in matungod hiton loading and unloading hiton pasaheros ha mao nga area.
Nagsuhestyon naman ine ha mga pasaheros nga nagrereklamo kasumpay hiton hitaas nga panukot hiton pamasahi, in bisitahon an ira buhatan kalakip an kompleto nga mga detalye han sarakyan nga ira igrereklamo, matungod nga ira dayon ine aaksyunan.
Nagpahimatngon naman ine ha mga drivers nga dire maningabot ha pagsukot hiton pamasahi, matungod nga posible may ka-atubangon an mga ine nga penalidad.
