TACLOBAN CITY – Ginklaro han Traffic Operation Management Enforcement and Control Office (TOMECO) nga madadayon an ira pagdumara hin clearing operations ha mga sidewalk vendors ha siyudad han Tacloban.
Sumala kan Ronnie Cornico, Chief han TOMECO, nga madadayon la gihapon an ira pagdumara hin clearing operation ugsa an kapaskohan.
Ini in para malikayan an paghuroot ha mga kakalsadahan labi na yana nga nagtitikaharani na an kapaskohan ngan bago nga tuig.
An mga sidewalk vendors nga nagtitinda dry goods in igbabalhin ha may shopping center samtang an mga magtirinda naman hin prutas in igkakadto ha atbang han dati nga grand hotel.
Nanawagan naman ini hin kooperasyon ha tanan nga mga nagtitinda ha sidewalk agud nga magin hapsay an pagdudumaraon nga clearing operation.
