Nanawagan an Tingog Party-list hin madagmit nga paghahatag hin target nga fuel subsidy para ha mga mag-uruma ngan mangirisda agud maipabilin an suplay han pagkaon ha nasud.
Subay ha grupo, padayon nga gin papakurian han paghitaas han presyo han krudo an sektor han agrikultura ug pangingisda, ilabi na an mga gudti nga mga prodyuser nga nakukurian sumalo han dugang nga gastos ha produksyon.
Gin tagan duon pa han Tingog PL nga dako nga parte han gastos han mga mangirisda in an lana, rason kun kay ano naapektuhan an operasyon ngan panginabuhi han mga ini.
Kun huminay an produksyon, posible ini magdurot hin kakulangan ha suplay ngan paghitaas hin presyo ha pagkaon.
Igin malatumat pa han Tingog nga an fuel subsidy in diri la bulig ha mga ini kundi, usa ini nga dako nga pitad agud maipabilin an produksyon han pagkaon.
Subay pa hini, angay la nga maihatag an mao nga subsidy hin maayos, limitado ha panahon, ngan nakasentro ha gudti nga mga mag-uruma ngan mangirisda.
