-- Advertisements --
NATIONAL NEWS– Padayon yana nga nagpapaupay hi anay Negros Oriental Representative Arnolfo Teves Jr. mahuman an nagin malinampuson nga emergency appendectomy ha Philippine General Hospital.
Subay ha abogado hine nga hi Atty. Ferdinand Topacio, kinahanglan nga magpabilin hin pira ka-adlaw ha PGH an anay manbaralaod agud nga maupay ine.
Ginpasalamatan hine an University of the Philippines Manila Chancellor Dr. Michael Tee nga nanguna para ha pagbalhin ni Teves ha PGH subay na gihapon ha ekomendasyon han doctor hine nga hi Dr. Marc Paul Lopez.
Waray gihapon kalikayi nga batikuson ni Topacio an pamunuan han Bureau of Jail Management ang Penology (BJMP) matungod ha mahinay hine nga pagbaton ha gin-aabat ni Teves .
