-- Advertisements --
TACLOBAN CITY — Patay an usa nga Lotto outlet teller mahuman nga buno-on han iya ka live-in partner may hitungod la hin selos ha Brgy. San Joaquin, Palo, Leyte.
Ginkilala an biktima nga hi Rutchele Dacillo Campo, 23 anyos an pangidaron ngan residente han mao nga lugar.
Basar ha imbestigasyon han mga kapulisan, nahisabutan nga nag-away anay an biktima ngan an suspek nga hi James Baguio Alonzo ugsa mahatabo an insidente.
Nadara pa an biktima ha Leyte Provincial Hospital pero igindeklara na ini nga dead on arrival.
Ha pagkayana in adto na ha kustodiya han Palo Police Station an mao nga suspek ngan naatubang na ha kaso nga murder.
