TACLOBAN CITY– Ginpaangbit hiton Tacloban City Police Office, nga nagin mahimyang an pagdumdom han Semana Santa, kalakip na an pagsalin-urog hiton Easter Sunday yana nga tuig.
Sumala kan Tacloban City Police Office, City Affaires and Development Unit, PLTCOL. Allan Camasin, nga subay ha ira nagin monitoring ngan asessment ha 3 nga Calvary Hill ha syudad, mahimyang ngan waray mga untoward incident an nahitabo.
Dugang pa ni Camasin, nga namati ngan nagsunod an publiko ha mga ginpatuman nga pahimatngon ngan pahibaro agud nga magkamayda hin mahimyang nga Pamalandong 2025.
Ginmalatumat gihapon hine, nga yana nga tuig, waray hira may nahipatik nga mga drowning incident ha mga beach resort hiton syudad.
Ginpasalamatan naman han nasabi nga opisyal, an publiko, magin an mga kasugbong nga ahensya nga bumulig agud nga mamintinar an hapsay ngan mahinungdanon nga Semana Santa 2025.
