TACLOBAN CITY – Ginpahibaro han Tacloban City Police Office TCPO, nga magkakamyda an ira ahensya hin paisan-isan ngan ine in tatawagon nga Battle of the Bands.
Sumala kan PMAJ. Marjorie Manuta, tagapagyakan han Tacloban City Police Office, nga an mao nga programa in gintagmanguluhan han Kabataan Kontra Droga at Terorismo (KKDAT) kasugbong an TCPO.
Dugang pa ha mao nga opisyal, nga ine naman in pagdudumaraon yana nga maabot nga bulan hiton Setyembre pero waray pa iksakto nga petsa kun san-o an adlaw ngan kun diin nga lugar matatabo.
Ginmalatumat naman hine nga an Battle of the Bands in abre para ha tanan nga mga lokal bands nga taga rehiyon-8, nga karuyag igpasikat an ira mga talento, kinahanglan la han mga ine nga mag-komposar hin kalugaringon nga kanta para ha mao nga paisan-isan.
