TACLOBAN CITY- Guinbuyagyag han Tacloban City Police Office ( TCPO) nga umabot na ha 66 ka-indibidawal nga tikang ha Marawi City an pumakandi ha syudad han Tacloban.
Sumala kan SPO1 Abdul Asid Halliludin, Salaam Officer han TCPO nga dayon hini nga guin aabi-abi an mga Muslim nga nagkakaabot ngan guinkukuhaan hin biographical profiling kumo kaparte han ira protocol.
Dugang pa ni Halliludin nga waray angay igkahadlok kun ano man an guinsusul-ot nga attire han mga Muslim mahitungod nga kaparte la ini ha pagsubay kun ano man an mga kamanduan han ira relihiyon.
An kaparte han pamahayag ni SPO1 Abdul Asid Halliludin, Salaam Officer han Tacloban City Police Office ( TCPO).
Samtang, guin kumpirma naman ni PSI Jessica Ortega, Information Officer han TCPO nga nag mugna hin maupay nga linkage hi City Director Police Senior Supt. Rolando Bade ha mga Muslim ha Tacloban.
Dugang pa ni Ortega nga nagmugna an buhatan hin Peace Building and Counter Radicalization agud nga maipakita ha publiko an maupay nga imahe han mga ini.
An naging pamahayag naman ni PSI Jessica Ortega, Information Officer han Tacloban City Police Office ( TCPO)
