TACLOBAN CITY– Ginpahibaro han Tacloban City Police Office (TCPO) nga andam na hira ha pagtapo hiton mga mabisita ha sementaryo ha petsa 1 ngan 2 hiton Nobyermbre.
Sumala kan Tacloban City Police Office, City Affairs & Development Unit, PLTCOL. Allan Camasin, nagkamayda na hira hin inisyal nga deployment han ira mga tinaglwas ha pira nga mga sementeryo ha syudad.
Dugang pa hine ha maabot nag Oktobre 31, magkakamayda naman hira hin full deployment han ira mga kapulisan kutob ine ha petsa 2 hiton Nobyembre, kun diin 24hrs nga naka-duty an mga kapulisan ha sementeryo agud nga siguraduhon an seguridad ngan mamingaw nga pagdumdom han Undas 2025.
Ginpapagbawal naman an pagdara han mga hinganiban ha sulod ha sementeryo, kalakip na an baraha, makahurobog nga irimnon ngan sugadman mga sound system.
Gin-tutugutan naman nga makasulod adton mga mabisita nga mayda dara nga bolo nga gagamiton panlimpyo ha nitso han ira mga tumalikod na ha kadayunan nga pamilya.
Mababaruan nga sobra usa kagatos nga kapulisan an ira igpapandeploy kun diin babatag-batagon an mga ine ha 6 nga sementeryo.
