NATIONAL – Samaran an usa nga tawo han Bureau of Fisheries and Aquatic Resources mahuman nga maigo hin bu-ong tikang ha nabuong nga salamin matungod han water cannon attack han China Coast Guard ha barko nga BRP Datu Gumbay Piang.
Sumala ha notisya han Philippine Coast Guard, an insidente in naganap samtang ginbubuhat han BRP Datu Gumbay Piang an misyon hini ha sakob han West Philippine Sea, harani ha Bajo de Masinloc.
Sumala ha PCG, nagkamayda hin grabe nga damage an mao nga barko kaupod an:
-Nabu-og nga salamin ha likod nga parte han tulay han barko.
-Naruba nga partisyon ha cabin han kapitan
-Short circuit nga nakaapekto ha mga electrical outlet
-Lima nga outdoor air-conditioning units nga dire na nagana
Ha kuha nga video tikang ha PCG in nagpapakita han grabe nga presyon han tubig tkang ha CCG nga umigo ha barko han Pilipinas, nga nagdara hin kahadlok ngan kadelekaduhan ha mga sakay hini.
An insidente in usa naman nga pananglitan han padayon nga tensyon ha West Philippine Sea, kun diin an mga barko han Pilipinas in naatubang ha agresibo nga aksyon tikang ha mga barko han China samtang gingagampanan an ira trabaho nga proteheran an mga purupangisda nga Pilipino.
