TACLOBAN CITY– Naghatag hin baton an TAMADOTCO, nga waray kalabutan ha ginpatuman nga LPTRP an pagkamayda hin hilaba nga pila han mga manarakay han nakalabay ha Marasbaras Terminal.
Sumala kan Leo Templado, BOD/ Vice Chairman,TAMADOTCO, agsob nga matabo nga magkamayda hin hilaba nga pila, partikular na kun rush-hour, ngan waray ine kalabutan ha pagpatuman han re-routing.
Aminado naman ine nga kulang an nan-biyahe han nakalabay nga Mayo 19, adlaw han pag-patuman han re-routing han mga Campetic nga multicab.
Manunumdam han nakalabay nga tuig 2024, ginpatuman an Local Public Transport Route Plan (LPTRP) ngan sugadman an na-eksister nga Tacloban City Ordinance No. 2024-15-19 o an “Ordinance Adopting Local Public Transport Route Plan of the City of Tacloban.”
