TACLOBAN CITY – Magpapatuman hin mahugot nga pagbabantay an Tacloban City Police Office, ha tanan nga polling centers ha Tacloban yana nga maabot nga piniliay.
Subay ha Tacloban City Police Office, ugsa paman nga magtikang an election period, nakabantay na an mga ine ha tanan nga lugar kun diin igbubutang an mga Automated Counting Machine o ACM, nga gagamiton ha pag-ihap hiton botos.
Sumala kan Tacloban City Police Office, City Director, PCOL. Noelito Getigan, nakabantay gihapon hira nga mga checkpoints areas agud nga mabantayan an hino man nga magsusulod hin armas, alinsunod ine ha ginpapatuman nga gun-ban hadton Enero12, kun diin maghuhuman ine ha Hunyo 11 yana nga tuig.
An hino man nga tumalapas ha nasabi nga kamanduhan in ma-atubang ha pinalidad sugad hiton 1-6 nga kapresuhan ngan pagkakadiskwalipika ha pampubliko nga opisina, ngan posible pagkawara hin katungod nga makabotos.
Kalakip gihapon nga ginbabantayan han TCPO an pagpapadara hin dako nga salapi nga maabot ha P500,000, kun diin ine in ginpapagbawal agud nga malikayan an vote-buying ngan vote selling.
Maabot naman ha 95% han kapulisan an igdedeploy ha Tacloban yana nga piniliay.
