TACLOBAN CITY- Padayon nga ginmomonitor han Tacloban City Nutrition an kada eskwelahan partikular na an mga estudyante nga nagtitikahitaas iton tibang.
Sumala kan Malu Tabao, Head City Nutrition, Tacloban City, usa ha mga rason han paghitaas han timbang han mga estudyante in matungod han ira ginkakaon ha kinada-adlaw.
Dugang pa ni Tabao, kalakip gihapon nira nga ginmomonitor adton mga may edad na, matungod nga harani an mga ine nga maduktan hiton sakit, matungod han dire sakto nga healthy lifestyle o pagkaon nga ginkokonsumo han mga ine.
Pira ha mga sakit nga pwede makuha han usa nga indibidwal kun ine in obese na, sugad hiton high blood, heart problem, ngan diabetes.
Ginmalatumat pa hine, nga subay ha ira panginano humamubo an ihap han mga obesity ha syudad, dara na gihapon ine han padayon nga pahinumdom ha publiko kasumpay han pagkakamayda hin sakto ngan healty nga pagkaon.
Ginpaangbit pa ni Tabao, nga nakabulig gihapon an mga orientation nga ira gindudumara ha kada barangay dinhi ha syudad hiton Tacloban.
