TACLOBAN CITY– Naghatag hin baton an Tacloban City Hospital, kasumpay ha natabo nga karigumok han nakalabay nga adlaw.
Sumala kan Dra. Gloria Fabrigas,Acting Chief of Hospital Tacloban City Hospital, ginsugad nira an patakaran nga maglimitar la hiton ira ig-aakomodar hiton usa ka-adlaw pinaagi hiton paghahatag han priority number, agud nga ma-asisteran an mga ine hin maupay.
Dugang pa hine, pananglitan an mga mapa prenatal, in limitado la an mga ine ha 20 nga mga burod an ira gin-aakomodar.
Samtang an mga mapa check up naman in ada ine ha 100-150 an ira gin-aakomodar ha usa ka-adlaw.
Gindig-unan gihapon hine nga mayda la liwat nakatudlok nga mga numero para hiton mga mapabakuna hiton anti-rabies, mapa check-up hiton mata ngan pira pa nga mga konsultasyon.
Manunumduman, nag viral an usa nga video han usa nga netizen nga nagrereklamo ine matungod nga waray na ine kahi-abot han panhatag hiton priority number.
Mababaruan nga alas 7 na hiton aga nagdidistribwer hiton numer an nasabi nga ospital para han tanan nga mapa konsulta.
