TACLOBAN CITY – Nagpahimatngon an Tacloban City Hospital ha publiko, kasumpay na gihapon ine ha pagsalin-urog hiton kapaskuhan ngan pagtapo han bag-o nga tuig.
Sumala kan Tacloban City Hospital, Acting Chief of Hospital, Dra. Gloria Fabrigas, nga importante an pagkakamayda hin proper diet ngan proper hygiene an kada indbidwal, labi na adton may mga edad na.
Dugang pa ni Fabrigas, kaurugan nga nakukuha nga sakit kun holiday season, sugad hiton hypertension, high blood, ngan paghitaas hiton sugar level han kada indibidwal, matungod na gihapon ha mga magkalain-lain nga handaan.
Gitagan pa duon ni Fabrigas, nga likayan gihapon an duro nga pagkonsumo han makahurubog nga irimnon, labi na nga dire nalilikayan an inom-inom kun may katitrok.
Ginmalatumat hine nga dire naman maraot an pagkaon ngan pag-atinder hiton mga katitirok, kinahanglan la nga magkamayda hin disiplina ha kalugaringon, agud nga dire magresulta hiton pagkakasakit ngan grabi nga kondisyon.
