TACLOBAN CITY– Gin-abisuhan han Tacloban City Hospital an publiko, nga mabisita ha sementeryo yana nga adlaw magin ha petsa 1 ngan 2 hiton Nobyembre, nga dire makig-durungan adton mga mayda gin-aabat nga sakit, agud nga dire ine makapanapon ha iba.
Sumala kan Dra. Gloria Fabrigas , Acting Chief of Hospital Tacloban City Hospital, partikular nga gin-aabisuhan adton nga person’s with comorbidities, kabataan, ngan magin an mga senior citizens.
Nagsuhestyon naman ine nga kun mabisita ha sementeryo, mas makaka-upay kun sayo an mga ine mapakadto agud nga dire makag-kawsa hiton bugiot, sugadman dire pa duro kamapaso iton panahon.
Ginpahinumdom gihapon ni Fabrigas, nga dire kalimtan han mga mabisita ha sementeryo, nga magdara hin tubig, payong, biscuit, ngan likayan naman pagbit-bit hiton mga magtarom nga gamit nga iginpapagbawal han mga otoridad, agud nga mamintinar an seguridad han tanan nga mga mga mabisita.
