TACLOBAN CITY–Ginmalatumat han Tacloban City Hospital an mga dapat likayan han publiko yana nga Valentine’s Day.
Sumala kan Dra. Gloria Fabrigas, Chief of Hospital han Tacloban City Hospital, nga dapat likayan an pakikipaghilawas ha mga tawo nga dire kilala mahitungod nga posible ine magdurot hin Sexually Transmitted Infection (STI), Human Immunodeficiency Virus (HIV), ngan Acquired immunodeficiency syndrome (AIDS), sugad ha usa nga kaso nga nahipatik nira.
Dugang naman ni Fabrigas nga dapat likayan gihapon an makahurubog nga irimnon, kun diin mawawarayan hin kontrol an usa nga tawo durot hiton kahubog.
Ginabiso gihapon han doktora nga obserbaran an moderasyon ha paginom han mga ine.
Dugang pa hine, ginabiso han doktora nga hinayon an paginom ngan pagkaon hin sobra kaluyo hiton pagsaurog hiton okasyon.
