TACLOBAN CITY- Ginpahibaro han Tacloban City DepEd Division, nga ada pala ha 34,279 nga mga estudyante an officially enrolled ha Tacloban.
Sumala kan Dr. Nilo Eder, Information Officer han Tacloban City DepEd Division, hamubo pa ine tikang ha ira target nga mga enrollees, kun diin yana nga tuig mayda hira target nga 55,279 students ha public school an makakapag enroll.
An nasabi nga ihap in kabalyu han 62% mas hamubo kumpara han nakalabay nga tuig, matungod nga nakaghipatik an ira buhatan han nakalabay nga enrollment hin maabot 72-75% nga mga enrollees.
Ginhihingita nga rason han ira buhatan, matungod nga han nakalabay nga tuig, mayda mangud magkalain-lain nga modalities ha pag-eenroll, kumpara yana nga tuig, in usa la an pamaagi han pag-enroll kinahanglan nga pumakadto an mga ine ha eskwelahan.
Naglalaom naman ine nga madudugangan pa an mga enrollees ha nasasalin nga duha ka-adlaw ugsa magtikang an opisyal nga klase.
