TACLOBAN CITY – Ginpahibaro han buhatan hiton Tacloban City Commission on Election , nga maabot ha 10,682 nga mga botante an ira na de-active matungod nga pakyas an mga ine nga makag-botos hin duha nga magkasunod nga election.
Sumala kan Atty. Ma. Gorretti- Cañas, Election Officer Tacloban City, an nasabi nga ihap in dako nga kaibanan tikang ha ira naitala nga ihap han nakalabay nga tuig nga umabot ha 147,166 registered voters.
Dugang pa han mao nga opisyal, nga hapagkyana in ada nala ine ha 140,325 total number of registed voters as of April 2024.
Ginmalatumat naman ni Cañas, nga nakagdugang gadman hira hin mga botante nga nagparehistro kun diin umabot ine ha total nga 2,131, pero dako la gihapon nga kaibanan an sobra 10,000 nga na de-activate nga mga botante.
Sanglit, nanawagan an nasabi nga buhatan para hadton na de-activate nga magpa re-active han ira impormasyon ha Comelec, agud nga makabotos an mga ine ha tidaraon nga 2025 Midterm Elections.
