ODD NEWS-Usa na kompaniya ha Melbourne, Australia an nakaimbento hin T-shirt nga dire na kinahanglan pa nga labhan matungod nga himo ine in ha usa nga klase hin tela nga dire nahuhulos ngan nahuhugawan.
An kompaniya nga Threadsmith an nakaimbento han kakaiba nga T-shirt.
Pira kabeses na nira nga gintesting an ira bag o nga produkto, ginhuwaran nira hin softdrinks ngan ginpasingawan pero dire talaga nadukot an mansta o tubig.
Sumala ha nakaimbento han T-shirt nga superhydrophobic an tela nga gingamit sanglit imbes nga sumalupsop an tubig in nadalunot la ine.
Dire gihapon nadukot an mansta ha mao nga bado matungod nga an hugaw nga makikita in pwedi la nga trapuhon.
Hapagkayana an T-shirt pala an naiimbento han mao nga kompaniya ngan ira gihapon ginhuhuna hunaan nga maghimo pa hin iba nga produkto tikang ha mao tela.
